Елордада №2 Көпбейінді қалалық балалар ауруханасының комбустиолог-мамандары жалыннан термиялық күйген төрт жасар пациентке бірегей операция жасады. Бала денесінің 50%-ы зардап шеккен. Күйік салдарынан мойынның, екі иық пен білек буындарында қозғалысты шектейтін терең тыртық қалған. Ота пациентке МӘМС жүйесі бойынша тегін жасалды.
«Әлеуметтік медициналық сақтандыру қоры» КеАҚ Нұр-Сұлтан қаласы бойынша филиалы баспасөз қызметінің хабарлауынша, бала қатты күйген, кейіннен бастың қозғалысын шектейтін терең тыртық қалған. Күйіктің салдарынан мойынның, дененің, екі қолдың гипертрофиялық тыртықтары, 3-дәрежелі мойын контрактурасы, 2-дәрежелі иық буындарының контрактурасы болған.
№2 Көпсалалы қалалық балалар ауруханасы комбустиология бөлімшесінің меңгерушісі Бақытхан Сағидолданың айтуынша, балада мойынның, кеуденің, екі иық буынының, екі білектің медиалды алдыңғы бетінде бозғылт-қызғылт түсті гипертрофиялық тыртықтар байқалған.
«Иек кеудеге дәнекерленген, бет деформациясы бар. Еріннің төменгі бөлігі төменгі жақтың тістері ашылғанда төмен қарай жылжиды, терең тыртықтың конгломератына байланысты мойны қатып қалған. Басын әрі-бері бұра алмайды. Кеуде қуысының алдыңғы бетінде және екі иықта да «жеткенді» терең гипертрофиялық тыртықтар пайда болған. Соның салдары екі иық буындарының контрактурасына алып келген. Иық буындары 90 градусқа бұрылады», деп түсіндірді ол.
Елорда ауруханасында емделушінің мойыны тыртықтарын кесіп, мойынның жетекші контрактурасын түзететін, аяғындағы тері-май сынықтарын нәрлендіретін пластика жасалды.
«Отадан кейінгі ерте кезеңде пациентте орын ауыстырған қақпақшалардың толық кіріккені байқалады, басындағы қатты күйі түзелген, операциядан кейінгі жаралар жазыла бастаған. Қолданылған емдеу әдісі отаның бірінші кезеңінен кейін жақсы функционалды нәтижеге қол жеткізуге мүмкіндік берді. Кейіннен косметикалық ақауларды түзету үшін хирургиялық ота жасалады. Науқастың анасы баласын шілде айында бізге тағы алып келеді және емдеуді жалғастырады деп үміттенеміз», деп түйіндеді дәрігер.
Термиялық күйіктер медицинаның ең күрделі мәселелерінің бірі болып қала береді. Бұл оның пайда болу жиілігіне, емдеудің қиындығына және қолайсыз салдарға байланысты. Күйік жарақатының жиі кездесетін салдарының бірі – гипертрофиялық тыртықтардың пайда болуы. Күйіктен кейінгі тыртықтарды емдеу проблемасы қазіргі уақытта әлі де өзекті. Ауыр күйіктерді емдеуде қол жеткізілген үлкен жетістіктерге қарамастан, тыртықты деформациялар мен контрактуралары бар науқастар саны аз емес. Осыған байланысты 2013 жылы №2 Көпсалалы қалалық балалар ауруханасында күйік бөлімшесі ашылған болатын, онда күйік салдарынан терең дене жарақаттары ұзақ уақыт жазылмаған балаларға мамандандырылған комбустиологиялық көмек көрсетіледі.