Премьер-Министр Әлихан Смайылов бұқаралық ақпарат құралдарының өкілдерін кәсіби мерекемен құттықтады, деп хабарлайды Egemen.kz.
«Бүгін - бұқаралық ақпарат құралдары қызметкерлерінің кәсіби мерекесі. Сондықтан құрметті журналистер, осы мүмкіндікті пайдалана отырып, сіздерді кәсіби мерекелеріңізбен құттықтаймыз. Өзара үйлесімді жұмыс пен жоғары азаматтық жауапкершілік үшін алғыс айтамыз. Біздің бірлескен күш-жігеріміз Үкіметтің жұмысын бұдан да ашық әрі тиімді етуге мүмкіндік береді деп сенеміз. Баршаңызға тың идеялар мен шығармашылық табыстар тілейміз. Дендеріңіз сау, отбасыларыңыз аман болсын!», деді Әлихан Смайылов бүгін Үкімет отырысында.