Алматыда Медеу және Жетісу аудандарындағы ғимараттардың бір бөлігі бір тәулікке ыстық су беруден ажыратылады, деп хабарлайды Egemen.kz «Алматы жылу желілері» ЖШС қызметіне сілтеме жасап.
«13 шілдеде сағат 9.00-ден 21.00-ге дейін Медеу және Жетісу аудандарының Қонаев - Райымбек - Жангелдин - Есік - Кіші Алматы өзені - Әйтеке би - Қалдаяқов - Мақатаев - Уәлиханов көшелері шаршысында орналасқан тұрғын үйлер мен басқа да ғимараттарға ыстық су берілмейді», делінген хабарламада.
Жылумен қамту желілерінде жоспарлы жөндеу жұмыстарын жүргізу үшін шектеулер енгізілген.