ПАВЛОДАР. 2 мамыр. Кеше Павлодар облысында 800 гектар далалық алапты қамтыған ірі өрт болды. Бұл туралы Төтенше жағдайлар министрлігінің баспасөз қызметіне сілтеме жасаған DailyNews.kz хабарлады.
Өрт Иса Байзақов ауылдық округінде сағат 16:45-те басталды.
«Даланың жануын 22:20 сағатта тоқтатып, 23:17 сағатта өртті толық жоюға қол жетті. Өртті жоюға Павлодар облысы төтенше жағдайлар департаменті өрт сөндіру қызметі жеке құрамының 5 адамы мен бір техника бірлігі, «Мұрат» шаруашылық қожасының бес адамы мен бір техникасы қатысты», - делінген хабарламада.
Құрбан болғандар мен зардап шеккендер жоқ.
Құрыш Нұрымбет.
Дереккөз: DailyNews.kz.
Фото: DailyNews.kz.