Өрттің шығуына қасақана от қою себеп болған, деп хабарлайды Egemen.kz.
Облыстық ТЖД баспасөз қызметінің мәліметінше, 28 шілде күні сағат 02:31-де Ломоносов көшесі, 17/2 мекенжайы бойынша «Lada Priora» жеңіл автокөлігі толығымен жанып кеткен.
«Сонымен қатар көліктің жанында тұрған «Volkswagen Passat В3» автокөлігі жанды», дейді департаментте.
Өрт сағат 02:41-де ауыздықталып, сағат 03:00-де сөндірілді. Келтірілген шығын көлемі анықталуда. Зардап шеккендер жоқ. Оқиға орнында өрт сөндіру және авариялық-құтқару жұмыстары қызметі жұмылдырылып, бір техника мен жеке құрамнан 6 қызметкер жұмыс істеді.