Сеул қаласы мен оның маңындағы аудандарда толассыз жауған жаңбыр салдарынан болған су тасқыны мен сел құрбандарының саны 11-ге жетті, деп хабарлайды Egemen.kz.
Сеулде жаңбыр төртінші күннен бері толастар емес. 3,7 мыңнан астам үйді су басты. Ресми мәліметтерге сәйкес, сел салдарынан Сеулде алты, Кёнги провинциясында 3 адам және Ганвон провинциясында 2 адам қайтыс болды. Билік 8 адамның із-түзсіз жоғалғанын хабарлады. Мыңға жуық адам үйлерін тастап кетті.