Атырау облысында жол апатынан көлік жолаушысы мерт болды, деп хабарлайды Egemen.kz.
Атырау облыстық полиция департаментінің баспасөз қызметінен мәлім еткендей, жол-көлік оқиғасы бүгін, 13 тамыз күні болған.
«Бүгін жергілікті уақытпен сағат 13:30 шамасында Доссор-Құлсары-Бейнеу тас жолының 157-шақырымында «Лада Гранта» көлігі аударылды. Көліктің аударылуына 1992 жылғы жүргізушінің көліктің руліне ие бола алмай қалуы себеп болған. Жол-көлік оқиғасының салдарынан көліктің алдынғы орындығындағы 31 жастағы жолаушы қаза тапты», деп хабарлады департаменттің баспасөз қызметі.
Қазір полиция қызметкерлері аталған жол-көлік оқиғасына байланысты тергеу амалдарын жүргізіп жатыр.