ҚР Президенті жанындағы Орталық коммуникациялар қызметінің брифингінде Республикалық психикалық денсаулық ғылыми-практикалық орталығының директоры және ҚР Денсаулық сақтау министрлігінің штаттан тыс бас психиатр-наркологы Қуаныш Алтынбеков Қазақстанда психикалық денсаулық қызметінің байланыс орталығын құру бойынша жұмыс жүргізіліп жатқанын хабарлады, деп жазады Egemen.kz. Денсаулық сақтау министрлігінің баспасөз қызметіне сілтеме жасап.
Министрлік мәліметінше, медициналық-әлеуметтік көмекке мұқтаж қазақстандықтарға консультациялық, психологиялық қолдау көрсету мақсатында бірыңғай call-орталық іске қосылады.
«Халық толық ақпаратқа ие болмағандықтан, оңалту бөлімшелері жұмыс істейтін жерде көмекті қалай алуға болады, бұл бөлімшелерге қалай кіруге болады деген сұрақтарға жауапты осы call-орталығынан ала алады. Аталған call-орталық еліміздің барлық психикалық денсаулық орталықтарын біріктіреді», дейді Республикалық психикалық денсаулық ғылыми-практикалық орталығының басшысы.
Бірыңғай call-орталық барлық ақпаратты біріктіріп, азаматтарға тиісті көмек алуға көмектеседі.