АҚШ президенті Джо Байден экс-президент Дональд Трамптың жақтастарын сынға алды, деп хабарлайды Egemen.kz Reuters агенттігіне сілтеме жасап.
Пенсильванияға сапары кезінде Джо Байден бұрынғы республикашыл президент Дональд Трамптың үйін тінтуге қатысқан ФБР агенттеріне қарсы зорлық-зомбылық көрсету қаупін әшкерелеп, полицияны қаржыландыруды арттыруға және Пенсильванияда шабуыл қаруына тыйым салуға шақырды.
«Заңды құрметтеп, өз жұмысын орындағаны үшін құқық қорғау органдары қызметкерлері мен олардың отбасыларының өміріне қауіп төндіретін ФБР-ға жаңа шабуылдарды көру жиіркенішті. Мен мұны мүмкіндігінше анық айтқым келеді. АҚШ-та тәртіп сақшыларының өміріне қауіп төнетіндей қорқыныш жоқ. Ешқашан болмайды», деді Байден.
Сондай-ақ Байден Трамптың жақтастарын сынап, 2021 жылдың 6 қаңтарында қарулы қақтығысқа ұласқан Капитолийге басып кіргенін еске салды.