KASE Қазақстан қор биржасы 15:30-дағы жағдай бойынша доллардың орташа бағамы 3,88 теңгеге төмендеп, 473,35 теңгені құрағанын хабарлады, деп жазады Egemen.kz.
Ресей рублінің орташа бағамы аздап төмендеп, 7,80 теңгені құрады.
Қытай юанінің орташа бағамы керісінше көтеріліп, 68,29 теңгені құрады.
Еуро бойынша сауда жүргізілген жоқ. Ұлттық банк еуро бағамын 477,27 теңгеге белгілеген.
Айырбас пункттерінде америкалық долларды 473-477 теңгеден, еуроны - 475-481 теңгеден сатып алады/сатады. Рубль - 7,3-7,65 теңге.
Сонымен қатар 9 қыркүйектегі сауда-саттық барысында мұнайдың әлемдік бағасы өсуде.
Мәселен, Лондондағы ICE Futures биржасында Brent мұнайына арналған қараша фьючерстерінің құны 0,75%-ға өсіп, барреліне $89,82 құрады.
NYMEX Нью-Йорк тауар биржасының электрондық сауда-саттығында қазан айында WTI мұнайының фьючерстерінің бағасы 0,54%-ға қымбаттап, бір баррелі $83,99 болды.