АҚТАУ. 16 мамыр. Бүгін Ақтауда «Жедел жәрдем» көлігі жол апатына ұшырады. Бұл туралы egemen.kz тілшісі хабарлады.
Оқиға Н.Жантөрин атындағы облыстық музыкалық-драма театры маңында орын алды. Дабылын қосып, қаладағы шағынаудандардың бірінен орталық көшеге шыға берген «Жедел жәрдем» көлігі «Тойота Камри» автокөлігімен соқтығысып қалды. Нәтижесінде «Жедел жәрдем» көлігі бағытынан бұрылып, бір қапталына қарай қисая құлады. Көліктегі дәрігер әйелге дәрігерлік көмек көрсетілуде.
Құзырлы орындардың айтуынша, оқиға себебін анықтау үшін тергеу амалдары жүргізілмек.
Гүлайым Шынтемірқызы.
Дереккөз: egemen.kz.
Фото: egemen.kz.