АСТАНА. 16 мамыр. Минскіде өтіп жатқан әлем чемпионаты бесінші турының қазірге дейін алғашқы екі ойынының нәтижелері белгілі болды. Бұл туралы Чемпионат.Ру хабарлады.
Алдымен 15 мамыр күні ойналған 4-турдың соңғы ойындарына тқтала кетейік. Осы күні Канада Данияны талқандап шықты – 6:1! Ал Латвия сенсация жасауын одан әрі жалғастырды. Ол тартысты бәсекеде АҚШ құрамасынан жеңісті тартып әкетті. Есеп – 6:5! Швеция өз кезегінде Францияны 2:1 етіп әрең ұтты. Финляндияның Беларусьтен басымдығы да тым күшті болған жоқ. Онда 2:0 деген есеп тіркелді.
Ал бүгін 5-турдың ойындары басталды. Әзірге екі матчтың есептері белгілі. Соның ішінде Қазақстан құрамасы АҚШ командасынан овер-таймда ұтылды. Есеп – 3:4. Ал матч былай өрбіді. Алдымен қазақстандықтар бірінші кезеңнің 15-минутында алға шықты. Шайбаны Роман Старченко түсірді. Сәлден кейін қарсыластар (Смит) есепті теңестірді. Екінші кезеңде біздің хоккейшілер (Романов) тағы есепті ұлғайтты. Арада 2 минут өткенде, АҚШ командасы (Джонс) таразы басына қайта қалпына келтірді. Бірақ біраздан соң алға шығу кезегі америкалықтарға өтіп кетті (Донован). Біздің жігіттер үшінші кезеңде Старченконың голымен есепті қайта теңестірді. Алайда, бәрін овер-таймдағы Джонстың голы шешіп кетті.
Түнде Швеция – Словакия, Финляндия – Швейцария арасында кездесулер өтеді.
Қазір А тобында Канада 5 ойыннан 13 ұпаймен көш бастап келе жатса, В тобында Ресей 4 ойыннан барлық 12 ұпайды алып, алдына жан салмай тұр.
Дамир Қожамқұл.
Дереккөз: Чемпионат.Ру.
Фото: Чемпионат.Ру.