Жәмила Бақбергенова мен Азамат Дәулетбеков еркін күрестен Әлем кубогында өнер көрсету мүмкіндігіне ие болды. Бұл туралы Қазақстанның күрес федерациясы өзінің Instagram парақшасында хабарлады, деп жазады Egemen.kz.
10-11 желтоқсанда АҚШ-та еркін күрестен және әйелдер күресінен Әлем Кубогы өтеді. Әлем чемпионатының рейтингі бойынша бес үздік команда кубокқа жолдама алады. Алтыншы команда - Жұлдыздар тобы. Бұл топтың құрамын Біріккен күрес әлемі (UWW) шешеді.
Айта кетсек, чемпионаттың жүлде қоры 100 мың швейцар франкін құрайды. Бірінші орын алған команда ұтыстың 70%-ын, екінші команда 20%-ын, үшіншісі 10% алады.