Ұлттық қауіпсіздік комитетінің Террорға қарсы орталығының ведомствоаралық үйлестіру комиссиясының кезекті мәжілісі болып өтті. Онда 2011 жылы болатын 7-ші Азия ойындарын өткізудің қауіпсіздігін қамтамасыз ету мәселесі талқыланды, деп хабарлады ҚР ҰҚК-нің баспасөз қызметі.
Комиссия жұмысына Президент Әкімшілігінің, министрліктер мен ведомстволардың, Астана және Алматы қалалары әкімдіктерінің басшылары мен өкілдері қатысты.
Мәжіліске қатысушылар Азия ойындарының қауіпсіздігін қамтамасыз етуде ведомствоаралық ынтымақтастықты одан әрі нығайту бойынша тиісті хаттамалық шешім қабылдады.