Оқиға футбол ойыны кезінде болған, деп хабарлайды Egemen.kz.
Үндістанның шығысындағы Одиша штатында футбол алаңына найзағай түсіп 2 адам қаза тапты. 25-і жараланған. Зардап шеккендер бірден ауруханаға жеткізілген. Олардың 12-сі ауыр халде жатыр.
Айта кетейік, Одиша - Үндістандағы найзағай ең көп түсетін штат. Соңғы 20 жылда аймақта 21,73 миллион найзағай жерге түскен. Соның салдарынан 5 706 адам қаза тапқан.