Күндізгі сауданың нәтижесінде доллардың орташа сараланған бағамы 1,98 теңгеге көтеріліп, 472,93 теңгені құрады, деп хабарлайды Egemen.kz Қазақстан қор биржасының (KASE) мәліметтеріне сілтеме жасап.
Айта кетейік, Ұлттық банктің 22 қазандағы долларға арналған ресми бағамы 470,60 теңгені құрайды.
Kurs.kz хабарлағандай, дәл қазір Астананың ақша айырбастау орындарында америкалық валюта орта есеппен 468,47 теңгеден сатып алынып, 473,47 теңгеден сатылуда. Алматының ақша айырбастау орындарында долларды орташа сатып алу – 471,28 теңге, сату – 475,03 теңге.