Талдықорған қаласындағы физика-математикалық бағыттағы Назарбаев Зияткерлік мектебінің соңғы қоңырау мерекесіне арналған «Қош бол, алтын ұя мектебім!» атты салтанатты жиыны болып өтті.
Оның бірінші ерекшелігі – қазақ және ағылшын тілдерінде жүргізілді. Атына заты сай осынау оқу ордасы мектеп мақтаныштары, халықаралық, республикалық пән олимпиадаларының жеңімпаздары, ғылыми жобалар жарысының жеңімпаздарымен де мақтана алады. Сөйтіп, өңірдегі өзге білім шаңырақтарынан биіктігін көрсетіп, мемлекеттік талапқа сай өскелең ұрпақты білім нәрімен сусындатып жатқанын тағы бір мәрте көрсете алды.
Мерекелік шараға Алматы облыстық білім басқармасының басшысы Жандарбек Далабаев, Талдықорған қаласының әкімі Ермек Алпысов арнайы келіп қатысып, түлектер қуанышын бөлісті. Әлбетте, мектеп директоры Гүлайым Байжикенова бастаған ұстаздар мен ата-аналар құттықтау сөзді әдемі жалғастырды. Сонымен, айтулы білім ордасынан тағы бір лек түлектер қанат қақты.
Нұрбол ӘЛДІБАЕВ,
«Егемен Қазақстан».
Алматы облысы.