Елорданың коммуналдық қызметтері тәулік бойы күшейтілген режимде жұмыс істеуде. Өткен түнде қаладан 7 мың текше метрден астам қар жиналып, шығарылды, деп хабарлайды Egemen.kz қалалық әкімдіктің ресми сайтына сілтеме жасап.
Бүгін қала көшелерінде қар мен мұзды күреуге 2 100-ден астам жол жұмысшысы шықты, мыңға жуық мамандандырылған техника жұмылдырылды.
17 қарашадан 18-іне қараған түні елордадан 7 мың текше метрден астам қар шығарылды, ал қар полигондарына 600-ге жуық рейс жасалды. Қыс мезгілі басталғалы бері барлығы 115 мың текше метрден астам қар шығарылды, бұл 8 591 ауыр жүкті құрайды.