Ұлттық қауіпсіздік комитетінің Террорға қарсы орталығының ведомствоаралық үйлестіру комиссиясының кезекті мәжілісінде 2011 жылы болатын 7-ші Қысқы Азия ойындарын өткізудің қауіпсіздігін қамтамасыз ету мәселесі талқыланды.
Комиссия жұмысына Президент Әкімшілігінің, министрліктер мен ведомстволардың, Астана және Алматы қалалары әкімдіктерінің басшылары мен өкілдері қатысты.
Мәжіліске қатысушылар Қысқы Азия ойындарының қауіпсіздігін қамтамасыз етуде ведомствоаралық ынтымақтастықты одан әрі нығайту бойынша тиісті хаттамалық шешім қабылдады, деп хабарлады ҰҚК баспасөз қызметі.