Қала әкімдігі ЖЭО штаттық режимде жұмыс істеп жатқанын хабарлады, деп жазады Egemen.kz.
«Қазіргі уақытта 4 қазандық (No6,7,9,11), сонымен қатар 3 турбоагрегат (6,7,8) жұмыс істеп тұр. ЖЭО-дан жылу бекітілген температуралық кестеге сәйкес шығарылады. ЖЭО штаттық режимге кірді», делінген хабарламада.
Еске сала кетсек, жуырда Жезқазған ЖЭО-да екі қазандық істен шыққаны туралы хабарланған еді. Осыдан екі күн бұрын жылу орталығының 5-ші қазандығы да істен шыққан.
ЖЭО-да тек үш қазандық жылу өндірді. Нәтижесінде, үйлердегі ауа температурасы 9 градусқа дейін төмендеді. Жергілікті билік хабарлағандай, жағдай бақылауға алынды.