17 желтоқсан күні сағат 00:00 шамасында Қызылордада 102 арнасына сол жағалаудағы аспалы көпірден белгісіз азаматтың секіріп, өз-өзіне қол жұмсауға әрекеттенгендігі жөнінде хабарлама түскен, деп хабарлайды Egemen.kz.
Аталған хабарлама бойынша жедел-тергеу тобы оқиға орнына жетті. Тексеру барысында азамат қайтыс болғандығы анықталды.Аталған дерек бойынша ҚР ҚК-нің 105-бабының 3-бөлігімен (Өзiн-өзi өлтiруге дейiн жеткiзу) сотқа дейінгі тергеп-тексеру амалдары басталды. Тиісті сараптамалар тағайындалды.
Оқиғаның мән-жайы анықталуда.