Кеше Беларусь Республикасының астанасы – Минск қаласында ТМД-ға қатысушы мемлекеттер қауіпсіздік органдары мен арнаулы қызметтері басшылары кеңесінің кезекті 36-отырысы басталды.
Отырыстың күн тәртібіне сәйкес арнаулы қызметтердің халықаралық терроризм мен экстремизмге қарсы іс-әрекет етуі, ірі халықаралық шаралар, сондай-ақ, ақпараттық технологиялар саласындағы қылмыстың жолын кесуде тығыз әрекет етуіне қатысты мәселелердің кең ауқымы қаралды.
ТМД арнаулы қызметтері басшыларының отырысына Қазақстан Республикасы Ұлттық қауіпсіздік комитетінің төрағасы Нұртай Әбіқаевтың басшылығымен қазақстандық делегация қатысуда, деп хабарлады ҚР ҰҚК-нің баспасөз қызметі.