АСТАНА. 6 маусым. Еуразиялық экономикалық одаққа қосылам дейтін мемлекеттерге ешқандай кедергі жоқ. Мемлекет басшысы Түркияға жасаған ресми сапары кезінде тілшілерге берген сұхбатында осылай деді. Бұл туралы «ҚазАқпарат» хабарлады.
Нұрсұлтан Назарбаев: «Мәселен, Түркия мен өзге мемлекеттер болашақта аталған бірлестіктің ассоциативті мүшелері бола алар еді», – деді.
Бұдан бөлек, Президент Армения мен Қырғызстанның Еуразиялық экономикалық одаққа қосылуды жоспарлап отырғанын, сол сияқты, тағы да бірқатар мемлекеттер аталған бірлестікпен сауданы дамытуға ниет танытқандығын айтты.
Жолдыбай Базар.
Дереккөз: «ҚазАқпарат».
Фото: «ҚазАқпарат».