Ахал велаятының жаңа орталығы (Түрікменстанның оңтүстігіндегі әкімшілік бірлік) бұрынғы президент Гурбангулы Бердімұхамедовтың құрметіне Аркадаг атауын алды. Мұндай шешімді елдің Милли Генгеш Мәжілісі қабылдады, деп хабарлайды Egemen.kz.
«Тиісті Жарлықты Ахал велаяты мен елдің басқа өңірлері тұрғындарының тілектерін, сондай-ақ «Түрікменстанның әкімшілік-аумақтық құрылымы мәселелерін шешу тәртібі туралы» Түрікменстан заңына сәйкес қоғамдық ұйымдардың ұсыныстарын ескере отырып, Милли Генгеш Мәжілісі қабылдады», деп жазады Turkmenportal.com порталы.
Аркадаг - Түрікменстанның екінші президенті Гурбангулы Бердімұхамедовтың ресми және кең таралған атағы.