Солтүстік Қазақстан облысында 9 қаңтар күні мектеп оқушылары қашықтан оқиды, деп хабарлайды Egemen.kz.
Құтқару қызметі Darmen мобильді қосымшасы арқылы дүйсенбі күні мектептердегі сабақтардың тоқтатылатынын хабарлады. 1 мен 11 сынып оқушылары демалыстан кейінгі алғашқы сабақ күнін қашықтан өткізеді. Ауа температурасы минус 35 градусқа дейін төмендейді.
Бұған дейін синоптиктер қаңтардың 9-ы мен 11-і аралығында облыста түнде минус 30-35 градусқа дейін күрт суытып, облыстың солтүстігінде 38 градус аяз, күндіз минус 25 градусқа дейін аяз болатынын ескерткен болатын.