Ертең Астанада бірінші ауысымда оқитын 0-11-сынып оқушылары мен колледж студенттері онлайн оқиды. Бұл туралы Egemen.kz қалалық білім басқармасына сілтеме жасап хабарлайды.
«2023 жылдың 11 қаңтар күні ауа райының қолайсыздығына байланысты бірінші ауысымның 0-11(12) сынып оқушылары, колледждердің 1-2 курс студенттері қашықтан оқыту форматына ауыстырылады», делінген хабарламада.
Еске сала кетейік, Астананың оқушылары мен студенттері 9 қаңтардан бері қашықтан оқып жатыр.