Қазақстандық делегация IRENA ассамблеясының сессиясына қатысты

Қазақстандық делегация 14-15 қаңтарда Әбу-Даби қаласында (БАӘ) жаңартылатын энергия көздері жөніндегі халықаралық агенттік (IRENA) ассамблеясының ХІІІ сессиясының жұмысына қатысты.Ассамблея IRENA бас директоры Франческо Ла Камераның төрағалығымен өтті, оған 168 елдің делегаттары қатысты.Ассамблеяның пленарлық сессиясында баяндама жасай отырып, энергетика вице-министрі Жандос Нұрмағанбетов Қазақстан халықаралық қоғамдастықпен қатар жаңартылатын энергия көздерін дамытуға үлкен көңіл бөлетінін, 2060 жылға қарай көміртекті бейтарап ел болуға ұмтылатындығын мәлімдеді және тұрақты даму мақсаттарына, Париж келісімі бойынша міндеттемелерді орындауға міндеттенеді және ұзақ мерзімді перспективада энергия көздерін әртараптандырады.Форум жұмысына қатысу аясында қазақстандық делегация IRENA басшылығымен екіжақты кездесу өткізді.Екіжақты кездесу барысында Қазақстанда Орталық Азия елдері бойынша семинар ұйымдастыру туралы мәселе талқыланды, ол семинар көрші елдердің энергетикалық ауысуды жеделдету және өңірдің ауқымды жаңартылатын ресурстарын пайдалану жөніндегі бірлескен күш-жігеріне арналған.