18-20 қаңтар аралығында Германияның Берлин қаласында XV Дүниежүзілік азық-түлік және ауыл шаруашылығы форумы өтеді, деп хабарлайды Egemen.kz.
Осы орайда «Жасыл апта – 2023» халықаралық көрмесіне қатысу үшін Министр Ербол Қарашөкеев бастаған ҚР Ауыл шаруашылығы министрлігінің делегациясы Берлинге барады деп жоспарланған.
Айта кетейік, халықаралық дәрежедегі «Жасыл апта» – ауыл шаруашылығы, азық-түлік өндірісі және бау-бақша саласындағы ең ірі халықаралық көрме-жәрмеңке. Ол 1926 жылдан бері Берлинде жыл сайын өткізіліп келеді.
Іс-шара аясында қазақстандық тарап халықаралық азық-түлік индустриясының озық технологиялық әзірлемелерімен және өнімдерімен танысады.