Елорданы дамыту жөніндегі кеңес отырысында Қасым-Жомарт Тоқаев Астана көшелеріндегі жолдардың жай-күйі жайлы пікір білдірді, деп хабарлайды Egemen.kz.
«Қала жолдарының жай-күйі мәз емес. Мысалы, кейбір көшелер жыл сайын жөнделеді. Бірақ көктем шыққанда жолдың сапасы сын көтермейді. Ал кейбірі мүлдем қараусыз қалған. Бұл жол салу және жөндеу жұмыстары дұрыс жүргізілмейді деген сөз. Үкімет пен әкімдік мәселені арнайы бақылауына алу керек. Қажет болса, мердігерлерді ауыстыруға тиіс», деді Мемлекет басшысы.