Қазақстанның фермерлік қоғамдастығына АӨК-ні субсидиялаудың жаңа қағидаларының жобасы таныстырылды. Кездесуге Ауыл шаруашылығы министрлігі, «Атамекен» ҰКП, салалық қауымдастықтар мен ауыл шаруашылығы бизнесінің өкілдері қатысты, деп хабарлайды Egemen.kz ведомствоның баспасөз қызметіне сілтеме жасап.
Айта кетейік, былтыр да субсидиялау жүйесін реформалау талқыланды. Нәтижесінде сыбайлас жемқорлық тәуекелдерін барынша азайтуға, фермерлердің пікірін мейлінше ескеруге, сондай-ақ ішкі нарықты азық-түлік тауарларымен жеткілікті көлемде қамтамасыз етуге мүмкіндік беретін келісімді нұсқа әзірленген.
Жалпы алғанда, тиімділігі төмен және сыбайлас жемқорлық құрамдас бөлігі жоғары субсидиялардың 10-ға жуық кіші түрі жойылады. Бұдан басқа, ауыл шаруашылығы тауарын өндірушілер тарапынан, атап айтқанда, шикізатты ішкі нарыққа, оның ішінде отандық қайта өңдеу кәсіпорындарына жеткізу бойынша қарсы міндеттемелер бойынша норма енгізіледі.
Сондай-ақ өтінішті онлайн беру үшін gosagro.kz субсидиялаудың тегін мемлекеттік ақпараттық жүйесі іске қосылды.