Кеше Қазақстан Футбол федерациясының президенті Әділбек Жақсыбеков ФИФА-ның Даму бағдарламалары жөніндегі бас менеджері Ева Паскьені қабылдады, деп хабарлады Қазақстан Футбол федерациясының баспасөз қызметі.
Кездесу барысында тараптар отандық футболдың жай-күйі мен оны дамытудың жолдары жайлы мәселелерді талқылады. ҚФФ президенті Әділбек Жақсыбеков Қазақстанда халықаралық деңгейдегі ірі турнирді ұйымдастыру туралы ұсыныс тастаған еді, бұған қызығушылық танытқан Ева Паскье ФИФА бұл мәселені қарастыратынын айтты.
Сапары барысында Халықаралық футбол федерациясының өкілдері Астана, Алматы және Шымкент қалаларындағы футбол нысандарымен танысатын болады.