АСТАНА. 23 маусым. Бүгін таң алдында АҚШ пен Португалия арасындағы ойын аяқталып, ол 2:2 деген тең нәтиже әкелді. Бұл туралы egemen.kz хабарлады.
23 маусым. Манаус. «Амазония» стадионы. 40 123 көрермен. Төреші - Нестор Питана (Аргентина).
АҚШ: Тим Ховард, Фабиан Джонсон, Джефф Кэмерон, Мэтт Беслре, Дамарквс Бизли, Кайл Бекерман, Джермейн Джонс, Алехандро Бедойя (ДеАндре Йедлин, 72), Майкл Брэдли, Нрэм Зуси (Омар Гонсалес, 90+1), Клинт Демпси (Крис Вондоловски, 87).
Португалия: Бету, Жоау Перейра, Бруну Алвеш, Рикарду Кошта, Андре Альмейда (Вильям Карвалью, 46), Жоау Моутиньо, Раул Мейрелеш (Сильвестре Варела, 69), Луиш Нани, Элдер Поштига (Эдер, 16), Криштиан Роналду.
Голдар: Луиш Нани (5), Джермейн Джонс (64), Клинт Демпси (81), Силвестре Варела (90+5).
Ескерту: Джермейн Джонс (75).
Ойын ақыр соңына дейін тартыспен өтті. Португалдар матч біткеннен кейінгі қосымша 5-минутта есепті теңестірді. Қазір Германия мен АҚШ құрамаларында 4 ұпайдан болса, Гана мен Португалия 1 ұпай алып тұр. Соңғы турда лидерлер мен аутсайдерлер өзара кездеседі. Әлі төрт команданың төртеуінде де үміт бар. Тек ол Португалия үшін басқаларға қарағанда қиындау түседі. Себебі, оның доп айырымы нашар.
Ал ойын Паулу Бету шәкірттері үшін өте тамаша болып басталды. Олардың сапындағы Луиш Нану 5-минутта допты баспен ұрып түсірді.Бұдан әрі ойындағы басымдық америкалықтарға көшті. Соған қарамастан, бірінші таймның соңында Нани тағы бір гол соғып, матчтың тағдырын шешіп кетуге шешімші қадам жасай жаздады. Бірақ оның соққысы бағаннан қайтты.
Екінші таймда АҚШ футболшылары қарқынды арттыра түсті. Соның нәтижесінде жарты сағаттың ішінде есепті теңестіріп қоя салмай, алға да шықты. Алдымен Джермейн Джонс 64-минутта жауап доп соқса, Клинт Демпси 81-минутта есепті еселеді. Бұдан кейін америкалықтар өте жақсы қорғана жүріп, алға ұмтылып тұрды. Португалдар шабуылында азулылық жетіспей жатты. Осы жағдай ойын соңына дейін жетті. Тек ойынға қосылған 5-минут қана португалдарды сақтап қалды. Оны Силвестре Варела түсірді.
Енді 1/8 финалға шығу үшін португалдарға Гананы ірі есеппен ұту аз, бұған қоса Германия мен АҚШ тең ойнаулары керек.
Дамир Қожамқұл.
Дереккөз: Чемпионат.Ру.
Фото: Sportbox.ru.