Сауд Арабиясына тауар экспорттаушылар тізіміне Қазақстанның бірқатар компаниясы қосылды, деп хабарлайды Egemen.kz.
Ауыл шаруашылығы министрлігі Ветеринариялық бақылау және қадағалау комитеті мен Сауд Арабиясының Азық-түлік және дәрі-дәрмек басқармасы арасындағы белсенді ынтымақтастықтың нәтижесінде және Қазақстанның корольдіктегі елшілігінің қолдауымен, Сауд Арабиясына өнімді экспорттауға құқығы бар кәсіпорындардың тізіліміне комитеттің кепілдігімен тағы 15 қазақстандық ет өңдеу зауыты және 4 бал мен ара шаруашылығы өнімдерін шығаратын компания енгізілді.
Осылайша, тізімде Сауд Арабиясының аумағына жануарлардан алынатын өнімдерді жеткізе алатын барлығы 34 отандық ауыл шаруашылығы тауарын өндіруші бар.