АСТАНА. 29 маусым. Бүгін түнде 1/8 финалда Голландия және Мексика құрамалары кездесіп, бұлардың алдыңғысы 2:1 есебімен жеңіске жетті. Бұл туралы egemen.kz хабарлады.
Голландия командасы санаулы минуттардың ішінде жеңілуші жақтан ұтушы жасаққа айналып шыға келді. Ол нағыз жауынгерлерге тән қайсарлық танытып, ақырына дейін айқасты. Соның нәтижесінде чемпионаттан шығып қалғалы тұрған жерінен келесі кезеңге қадам басты.
Голландия – Мексика 2:1 (0:0).
29 маусым. Форталеза. «Кастелан» стадионы. 58 817 көрермен. Төреші - Педру Проэнса (Португалия).
Голландия: Яспер Силлессен, Паул Верхаг (Мемфис Депай, 56), Рон Влаар, Стефан де Врей, Дэйли Блинд, Дирк Кёйт, Найджел де Йонг (Бруно Мартинс Инди, 9), Джорджиньо Вейналдум, Уэсли Снейдер, Арьен Роббен, Робин ван Перси (Клас-Ян Хюнтелар, 76).
Мексика: Гильермо Очоа, Пауль Агилар, Франциско Родригес, Рафаэль Маркес, Эктор Морено (Диего Рейес, 46), Мигель Лайюн, Эктор Эррера, Карлос Сальсидо, Андрес Гуардадо, Джовани Дос Сантос (Хавьер Акино, 61), Орибе Перальта (Хавьер Эрнандес, 75).
Голдар: Джовани Дос Сантос (48), Уэсли Снейдер (88), Клас-Ян Хюнтелар (90+4-с пенальти).
Ескертулер: Пауль Агилар (69), Рафаэль Маркес (90+2), Андрес Гуардадо (90-+3).
Ойынның бірінші таймында мексикалықтар қарсыластарына қарағанда қауқарлылау көрінді. Олар қақпа алдында қауіпті жағдайды көбірек туғызды. Екінші таймның басында, 48-минутта Мигель Эррераның шәкірттері Джованни дос Сантостың күш салуымен алғашқы болып есеп ашты. Осыдан кейін «ацтектер» иницитаиваны қарсыластарына беріп қойды. Олар кездесудің ақырғы сәтіне дейін өздерін қанағаттандыратын осы есепті ұстап тұрды.
Дегенмен, алған беттерінен қайтпаған «ұшқыр голландылықтар» қақпаның соңғы сызығында өте сенімді ойнап тұрған Гильермо Очоаны екі рет қапы қалдырды. Олар алғаш рет 88-минутта Уэсли Снейдердің соққысынан кейін таразы басын теңестірді. Ал қосымша белгіленген уақытта Арьен Роббен қарсы қақпаға пенальти белгіленуін қамтамасыз етті. Оны Клас-Ян Хюнтелар дәл түсірді – 2:1. Бұл есеп аяқ астынан кімнің жеңімпаз болғанын анықтап берді. Ширек финалға Голландия құрамасы өтті.
Дамир Қожамқұл.
Дереккөз: egemen.kz.
Фото: Sportbox.ru.