Шарын мемлекеттік ұлттық табиғи паркінде орнатылған фототұзаққа Қазақстанның қызыл кітабына енген сабаншы мысық ілінді, деп хабарлайды Egemen.kz.
Сарапшылардың айтуынша, манул (Otocolobus manul, Felis manul) сирек кездесетін мысық тұқымдасының өкілі ретінде Қазақстанның Қызыл кітабына енгізілген. Бұл жануар сыртқы түрі бойынша үй мысығына ұқсайды. Алайда, ол одан қалың және ұзын жүнімен, қысқа массивті денесімен, кішкентай аяқтарымен және құйрығымен ерекшеленеді.
Сабаншылар негізінен түнгі уақытта кеміргіштер мен құстарды аулайды.
Еске сала кетсек, Қазақстанда Қызыл кітапқа енген жабайы дала мысықтарын аулауға қатаң тыйым салынады.