Ауыр атлетикадан Албанияның Дуррес қаласында жалауы желбіреген жасөспірімдер арасындағы әлем біріншілігінде Қазақ елінің әнұраны шырқалды.
Аталған жарыста 73 кило салмақ дәрежесінде сынға түскен Ерасыл Сәулебеков 137 килоны жұлқып, 168 килоны серпе көтерді. Сөйтіп қандасымыз қоссайыс қорытындысы бойынша 305 килолық көрсеткішпен бас жүлдені жеңіп алды. Әзербайжандық Равин Алмамадов (303 кило) күміс, ал оңтүстіккореялық Пак Жу Хьон (289 кило) қола медаль иеленді.
Дәл сол күні өнер көрсеткен тағы бір зілтеміршіміз Дарья Балабюк (55 кило) жұлқып көтеру жаттығуында қола жүлдені еншілегенімен, қоссайыста төртінші орында қалып қойды.