1 сәуірде Кентау қаласындағы үш қабатты тұрғын үйдің төбесі өртеніп кетті. Өрт сөндірушілер 50 адамды эвакуациялады, деп хабарлайды Egemen.kz.
Өрт орнына Түркістан облысы ТЖД күштері мен құралдары жіберілді. Өрттің ауданы 4 шаршы метрді құрады.
«Өртті сөндіруге Түркістан облысы ТЖД Өрт сөндіру және авариялық-құтқару жұмыстары қызметінің жеке құрамының 10 адамы мен 4 техникасы жұмылдырылды, олар өртті жедел жойып, адамдарды қауіпсіз жерге көшірді», делінген облыстық ТЖД таратқан хабарламада.
Оқиға орнынан 50 адам эвакуацияланды, оның 10-ы - бала.
Қазіргі уақытта өрттің себебі мен мүліктік залалы анықталуда.