Ауа-райына байланысты Алматының таулы аймақтарында тас құлау, қар көшкіні қаупі сақталады, деп хабарлайды Egemen.kz.
Жергілікті ТЖД мәліметінше, қауіпті аймаққа кіруді шектеу үшін блок-бекеттер қойылған.
«Алматы қаласының төтенше жағдайлар департаменті мен «Қазселденқорғау» тұрғындарға тауға шықпауға кеңес береді, өйткені қар көшкіні жүру қаупі бар», делінген хабарламада.
Ведомство өкілдерінің мәлімдеуінше, мүдделі ұйымдар таулы жерлерге халықтың кіруін шектеу бойынша шаралар қабылдауы қажет.