Доллардың теңгеге шаққандағы бағамы аздап өсті, деп хабарлайды Egemen.kz Қазақстан қор биржасының (KASE) мәліметтеріне сілтеме жасап.
Күндізгі сауданың нәтижесіне қарағанда, доллардың орташа сараланған бағамы 0,04 теңгеге көтеріліп, 455,63 теңгені құрады. Айта кетейік, Ұлттық банктің 20 сәуірдегі бір долларға арналған ресми бағамы 455,07 теңгені құрайды.
Kurs.kz хабарлағандай, дәл қазір Астананың ақша айырбастау орындарында америкалық валюта орта есеппен 452,09 теңгеден сатып алынып, 456,12 теңгеден сатылып жатыр. Алматының ақша айырбастау орындарында долларды орташа сатып алу – 452,87 теңге, сату – 456,05 теңге.