Ақтөбе облысында жол апаты салдарынан 3 адам қайтыс болды, ал жүргізуші ауруханаға жеткізілді, деп хабарлайды Egemen.kz polisia.kz-ке сілтеме жасап.
23 сәуірде Хромтау ауданының Жазық ауылының маңында Самара-Шымкент автожолында жантүршігерлік жол апаты болды.
«ВАЗ-2110» және Toyota маркалы автокөліктері соқтығысқан.
«ВАЗ» автокөлігінің 3 жолаушысы оқиға орнында көз жұмды, жүргізушісі аудандық ауруханаға жеткізілді.
Сотқа дейінгі тергеу амалдары басталды, жол-көлік оқиғасының мән-жайы анықталып жатыр.