Қазақстан боксшысы Махмұд Сабырхан Ташкентте өтіп жатқан бокстан әлем чемпионатында екінші жекпе-жегін өткізді, деп хабарлайды Egemen.kz Prosports.kz-ке сілтеме жасап.
1/8 финалда қазақстандық спортшы Махмұд Сабырхан Үндістан өкілі Сачин Савичпен кездесті. 54 келіге дейінгі салмақ дәрежесіндегі жекпе-жекте төрешілердің шешімімен (5:0) Махмұд Сабырхан жеңіске жетті.
Еске салайық, 1/16 финалда М.Сабырхан венгриялық спортшы Иштван Сакадан басым түскен болатын.
Бүгін кешкі сессияда Қазақстанның тағы екі өкілі өнер көрсетеді. Олар: Дулат Бекбауов (67 келі) пен Нұрқанат Райыс (75 келі).