Катарда өтіп жатқан дзюдодан әлем чемпионатында ел құрамасынан сынға түсетін спортшылардың қарсыластары анықталды, деп хабарлайды Egemen.kz.
Бүгін ерлер құрамасынан Абылайхан Жұбаназар (81 келі) мен әйелдер құрамасынан Эсмигүл Құюлова (63 келі) татами төрінде тайталасқа түседі.
Қазақстандық Абылайхан Жұбаназар алғашқы белдесуінде португалиялық Жуан Фернандумен шеберлік байқасса, Эсмигүл Құюлованың екінші іріктеу сатысындағы қарсыласы - Камила Бадурова.
Белдесулер «Qazsport» телеарнасында елорда уақытымен 13:30, 20:00-де тікелей эфирде көрсетіледі.
9 мамырда ел құрамасынан ерлер арасында 73 келі салмақта Жансай Смағұлов, Данияр Шамшаев, әйелдерден Бақыт Құсақбаева алғашқы іріктеу сатыларында есе жіберді.
Ал одан бұрын Ғұсман Қырғызбаев (66 келі), Толғанай Әбеуова (52 келі), Елдос Сметов пен Нұрқанат Серікбаев (60 келі), Абиба Әбужақынова мен Ғалия Тынбаева (48 келі) жарысты ерте аяқтады.