ҚР Ішкі істер министрі Марат Ахметжанов Қостанай облысында синтетикалық есірткі таратты деген күдікпен ұсталған полицейге қатысты пікір білдірді, деп хабарлайды Egemen.kz.
«Шынымен де жақында полицей ұсталды. Қылмыс жасаған әр адам біздің заңнамаға сәйкес жауапқа тартылады. Аталған күдікті қамауға алынды. Қазір қызметтік тексеру басталды. Оның қорытындысы бойынша кінәлілер анықталса, заң аясында белгіленген жауапкершілікке тартылады», деді М.Ахметжанов Мәжіліс алаңында.
Сондай-ақ министр облыстық ішкі істер органының басшылығы да жауапқа тартылатынын айтты.