Абай облысындағы «Семей орманы» мемлекеттік орман табиғи резерваты» РММ аумағында өрт салдарынан болған топтық жазатайым оқиғаның себептері мен мән-жайларын тергеу үшін ҚР Премьер-министрінің бірінші орынбасары Роман Склярдың төрағалығымен арнайы Үкіметтік комиссия құрылды, деп хабарлайды Egemen.kz.
Комиссия ормандағы өрттің шығу себебі мен оған кінәлілерді анықтау мақсатында егжей-тегжейлі зерттеу жүргізеді. Сондай-ақ келтірілген шығындарды есептеп, зардап шеккендер мен көз жұмғандардың отбасына көмек көрсету шараларын ұйымдастырады.
Арнайы Үкіметтік комиссия жұмысты 10 жұмыс күні ішінде аяқтайды деп болжанып отыр. Тергеу нәтижелері алдағы уақытта хабарланады.