Қазақстандық спортшы Мағжан Шамшадин Астанада өтіп жатқан Qazaqstan Barysy Grand Slam турнирінің чемпионы атанды, деп хабарлайды Egemen.kz.
Мағжан Шамшадин 60 келіге дейінгі салмақта әлемдік рейтингте 15-орында тұрған Франция өкілі Седрик Револмен татамиге шығып бақ сынасты.
Белдесу өте тартысты өтті. Себебі негізгі уақытта қарсыластар бір-бірін жеңе алмады. Қосымша уақыттың өзі 7 жарым минуттан асты. Ақыры Мағжан оңтайлы әдіс жасап, жеңісті қанжығасына байлады.
Мағжан Шамшадин спорттық жолында ірі табысына қол жеткізді.