Кеше күндізгі сағат 11 шамасында Көкпекті ауданы Үлгілі-Малшы ауылынан 50 шақырым жерде қамыс өрті тіркелді, деп хабарлайды Egemen.kz.
Абай облысы ТЖД баспасөз қызметінің мәліметінше оқиға орнына жергілікті атқарушы органдардың бейінді қызметтерінің өкілдері дереу шыққан.
Қазіргі уақытта өрттің болжамды ауданы 200 гектарды құрайды. Елді мекендерге қауіп жоқ. Қаза тапқандар мен зардап шеккендер тіркелмеді.
Үлгілі-Малшы ауылдық округі әкімдігінің ақпараты бойынша Мемлекеттік өртке қарсы қызмет органдарының күштері мен құралдарының тартылуы қажет емес.