Синоптиктер 11-13 шілде аралығына арналған ауа райы болжамын ұсынды, деп хабарлайды Egemen.kz.
Қазгидромет мамандары ұсынған болжамға сәйкес, алдағы тәуліктерде Қазақстан аумағы арқылы батыс циклоны өтеді, онымен бірге бастыста, солтүстікте, еліміздің орталығында күн күркіреп, бұршақ жауып, екпінді жел соғады. Республиканың шығысында, оңтүстігінде және оңтүстік-шығысында антициклонның екпінімен жауын-шашынсыз ауа райы сақталады.
«Қазақстанның солтүстігінде, орталығында, 11-12 шілдеде солтүстік-батыста, 12-13 шілдеде оңтүстікте, 13 шілдеде Қазақстанның оңтүстік-шығысында 43 градусқа дейін қатты ыстық күтіледі», делінген хабарламада.