Мал шаруашылығын цифрландырумен айналысатын «Cowmas Qazaqstan» жауапкершілігі шектеулі серіктестігі канадалық «HerdWhistle Technologies Inc.» мал басының нақты мониторингі компаниясымен стратегиялық серіктестігі туралы мәлім етті. Бұл ынтымақтастық ауыл шаруашылығының осы қосалқы секторының тиімділігі мен табыстылығын арттыру үшін еліміздегі мал шаруашылығын басқару тәжірибесін өзгертуге бағытталған.
Қазақстан фермерлері ендігі жерде HerdWhistle™ RFID негізіндегі жабдығын Cowmas™ мал шаруашылығын басқару платформасымен, жергілікті топ тәжірибесімен және қызметтерімен үйлестіре отырып, операциялық үдерістерді оңтайландырып, мал басын бақылаудың жақсаруына қол жеткізе алады. «Cowmas Qazaqstan» ЖШС канадалық компанияның Қазақстандағы серіктесі және бас дистрибьюторы болады. Сонымен қатар HerdWhistle Technologies Inc. Cowmas™ мал шаруашылығын басқару платформасымен біріктірілген қазақстандық мал шаруашылығы фермерлері жан-жақты және локализацияланған тәжірибе ала алады.
HerdWhistle Technologies Inc. – Канада елінің Калгари қаласындағы киберфизикалық жүйелерді әзірлеуші «A4 Systems» компаниясының еншілес кәсіпорны, бордақылау алаңдары мен шағын мал фермалары үшін мал басын дәл бақылауда үлкен тәжірибесі бар ұжым. 2010 жылы негізі қаланған «A4 Systems» – сапалы деректерді пайдаланушы фермердің негізгі бәсекелестік артықшылығы бола алатын киберфизикалық өнімді әзірлеу тобы. Өзінің озық технологиясы және тәжірибесі арқылы HerdWhistle Technologies Inc. HerdWhistle™ жүйесі аталған өнімдерін Канада мен АҚШ-та қолданысқа сәтті енгізді.
Cowmas Qazaqstan ЖШС – 2020 жылы Алматыда негізі қаланған agritech стартап компаниясы, елдегі шағын және орта мал фермаларына нақты мал шаруашылығы қызметтерін көрсетуге маманданған. IoT (Internet of Things) технологияларын және өзінің Cowmas™ мал фермасын басқару платформасын қолдана отырып, жан-жақты аудит жүргізуді, көмек көрсетуді, ветеринарлық және зоотехникалық қолдауды ұсынады. Компания дамуының бастапқы кезеңінде Нидерланды Корольдігі StartHub Wageningen инкубаторы мен StartLife агро-азық-түлік акселераторынан, кейінірек Qazinnovations Қазақ ұлттық инновациялық даму агенттігінен қолдау тапты.
Cowmas Qazaqstan ЖШС мен HerdWhistle Technologies Inc. арасындағы серіктестіктің еліміздегі мал өсірушілер үшін пайдасы зор болмақ. Ол мал шаруашылығымен айналысатын фермерлердің алдында тұрған түрлі мәселені шешуге, оның ішінде ауыл шаруашылығы жануарларын стрессіз автоматтандырылған бақылауды іске асыру, фермалардан деректерді жедел алу, жұмыс күшінің тапшылығын азайту және фермерлердің ғылыми білім мен тәжірибеге қол жеткізуіне бағытталған.
Cowmas™ мен HerdWhistle™ біріктірілген шешімдері мен жабдығын қолдана отырып, фермерлер белгіленген пункттерге малдың келуін қашықтан бақылауды жүргізу, табындағы малды іздестіру және сәйкестендіру үшін жұмыс күшінің тұрақты жетіспеушілігі мәселесін шешу, қора-шарбақтарда, не табиғи ортада – жайылымда мал басын автоматты түрде анықтап, қоршау, қамаусыз санау сияқты жұмыстарды, жалпы табындағы ірі қараның немесе қой малының әрбір жеке басының қимыл-қозғалысын адамның араласуынсыз бақылауды жүргізе алады.
«Біз HerdWhistle Technologies Inc арқылы A4Systems-пен серіктес болғанымызға қуаныштымыз. Бұл – Канада мал шаруашылығында озық ауылшаруашылық технологиясы мен агроғылымды қолданатын пионер. HerdWhistle™ жабдығы бізге фермалардағы мал басын есепке алу үшін маңызды деректерді жинауға, жануарларды жылдам, ықшам сәйкестендіруге және зоотехникалық іс-шараларды тиімді өткізуге мүмкіндік береді. Бұл шаралар өз кезегінде шаруашылықтардың жануарларды қалыпты деңгейде бақылауы мен бизнес-үдерістерді жақсартуына жол ашады», деді «Cowmas Qazaqstan» ЖШС бас директоры Асхат Жәнібек.
«Біз «Cowmas Qazaqstan» ЖШС-мен ынтымақтасуға және Қазақстанның мал нарығының даму келешегін зерттеуге ықыластымыз. Біріктірілген тәжірибеміз бен күш-жігеріміз арқылы мал басын анықтау, есепке алу және мониторингілеудің ағымдағы міндеттерін шешуге дайынбыз. Бұл фермерлерге тұрақты және тиімді мал шаруашылығы бизнесін дамытуға мүмкіндік береді», деді HerdWhistle Technologies Inc бас директоры Адам Моранд.
Қазақстанда сынақтан өткізу және шешімдерді сынау 2023 жылдың тамызына жоспарланған. 2023 жылдың күзінде қазақстандық ірі қара және қой өсірушілерінің қажеттіліктеріне бейімделген бірлескен өнімдер мен қызметтерді коммерциялық өндіру басталады деп күтіледі. Қазіргі уақытта алдын ала тапсырыстар қабылданып жатыр. Екі компания да қазақстандық фермерлердің сұрақтарына жауап беруге, мал шаруашылығы саласындағы жобаларын әзірлеуге көмектесуге дайын, мүдделі сала ойыншыларымен, соның ішінде шаруа қожалықтарымен, кооперативтермен және фермерлер қауымдастығымен ынтымақтастық қарым-қатынастарға ашық. Сонымен қатар қазақстандық нарықты инновациялық шешімдермен жан-жақты қамтуды қамтамасыз ететін аймақтық дистрибьюторлық бағдарламалар жоспарланып отыр.