Кеше Премьер-Министр Кәрім Мәсімов ІV Қазақстандық инвестициялық саммит жұмысының шеңберінде ірі халықаралық компаниялар өкілдерімен жұмыс бабындағы кездесулер өткізді, деп хабарлады Премьер-Министрдің баспасөз қызметі.
“АрселорМиттал” компаниясының директорлар кеңесінің төрағасы және бас атқарушы директоры Лакшми Митталмен кездесуде Қазақстандағы кен-металлургия кәсіпорындары қызметінің мәселелері талқыланды.
К.Мәсімовтің Ernst & Young Global компаниясының бас операциялық директоры Джон Ферраромен кездесуінде Қазақстанның инвестициялық тартымдылығын одан әрі жақсарту жайы әңгіме болды.
Қазақстан Үкіметі басшысының “Шеврон” корпорациясы басқарма төрағасының орынбасары, атқарушы вице-президенті Джордж Киркландпен кездесуінде қазақстандық мазмұн, компания қызметінде отандық кадрларды даярлау мен қайта даярлау мәселелері талқыланды.
Ал “РУСАЛ” ОК бас директоры Олег Дерипаскамен кездесу барысында электр энергиясы және металлургия саласындағы жобаларды дамытудың көкейкесті мәселелері әңгіме арқауына айналды.
Қытай инвестициялық компаниясының төрағасы және бас директоры Лоу Цзивеймен кездесуде Қазақстан Республикасы мен Қытай Халық Республикасы арасындағы инвестициялық және сауда-экономикалық қызметті одан әрі дамытудың басымдықтары сөз болды.
Осы күні түстен кейін Премьер-Министр К.Мәсімов 4-інші Қазақстандық инвестициялық саммиттің қорытынды секциясына қатысып, сөз сөйледі.