Қарағанды облысының әкімі жылу электр орталығындағы апатқа байланысты тұрғындар алдында сөз сөйледі, деп хабарлайды Egemen.kz.
Бүгін Қарағандыдағы ЖЭО-3-те болған апат салдарынан тұрғындар жарықсыз қалды.
«Бүгін таңертең Қарағанды қаласындағы ЖЭО-3 станциясында және Топар ГРЭС-2-де апатты жағдай орын алды. Қазір Топар ГРЭС-і жүктемені арттырып жатыр. Менің тапсырмам бойынша облыс әкімінің бірінші орынбасары Вадим Басин оқиғаның мән-жайын анықтау үшін станцияға барды. Қазір «KEGOC» АҚ-пен, станциялармен бірлесіп, жүктемені арттырып, қысқа мерзімде өңіріміздегі тұтынушыларды электр қуатымен қамтамасыз ету бойынша шаралар қабылданып жатыр», деді әкім.
Бұған дейін Қарағанды облысы әкімдігінің баспасөз қызметі апаттың мән-жайы анықталып жатқанын хабарлаған болатын.